Friday, June 28, 2013

Waqt ke saath

Is Waqt ke saath chalna gawaara nahi
Haar hi sahi agar aur koi chaara nahi

Pathar ki imaartein aur sang dil insaan
Isse khaufnaak koi aur nazaara nahin

Humne hathiyaaron ke saamne hathiyaar daal diye
Jo jeetega usse badaa koi bechaara nahi

Khisakte pahaad ubalti nadiya pighalti barf
Uske khafa hone ka isse badaa ishara nahin

Kuch der ruko baitho aur hisaab karo
Lauta do jo humne cheena hai jo humaara nahi

1 comment:

  1. Awesome. Skepticism continues to be the order of the day, for u at least.

    Where are my warm, sunny ones?

    ReplyDelete